Hildur Guðnadóttir, tónskáldið með hafnfirsku ræturnar, var í dag tilnefnd til tvennra Grammy-verðlauna. Þau verða veitt 31. janúar næstkomandi. RÚV greinir frá.
Hildur er annars vegar tilnefnd í flokknum besta tónlist í sjónrænum miðli fyrir tónlist sína við kvikmyndina Jókerinn. Hins vegar er hún tilefnd fyrir útsetningu sína á laginu „Bathroom Dance“ úr Joker. Sjá nánar á vef RÚV.
Hildur hefur á skömmum tíma sankað að sér helstu verðlaunum fyrir tónlist. Síðast 24. október vann hún til verðlauna sem besta kvikmyndatónskáldið á World Soundtrack Awards, sem eru á vegum kvikmyndahátíðarinnar í Gent í Belgíu.
Mynd/aðsend
