Flensborgarskólinn hlaut í dag heiðursverðlaun embættisins fyrir heildræna innleiðingu heilsueflingar. Í dag hóf skólinn því sitt fyrsta ár sem Heilsueflandi framhaldsskóli, fyrstur framhaldsskóla, og hefur unnið ötullega að því að efla heilsu og líðan nemenda og starfsfólks.
Embætti landlæknis veitir árlega Gulleplið, verðlaun fyrir framúrskarandi heilsueflingarstarf í framhaldsskólum landsins. Fram kemur í fréttatilkynningu frá embætti landlæknis að skólinn hafi unnið ötullega að heilsueflingu síðastliðin 10 ár og aldrei látið deigan síga. Skólastarfið hafi einkennst af áherslu á heilsueflingu, og þar með hafi skapast heilsueflandi menning í skólanum. Hún speglast meðal annars í auknu námsframboði tengdu heilsu og vellíðan og góðu utanumhaldi um nemendur.
Gulleplið var að þessu sinni afhent Tækniskólanum sem þykir standa öðrum framar á fyrirfram ákveðnum þætti í skólastarfi sem í ár var skólatengsl. Með skólatengslum er átt við tengsl nemenda við aðra nemendur og starfsfólk skólans.
Myndir: Flensborgarskóli
