Annar piltanna sem verið hafa á gjörgæsludeild Landspítalans eftir að þeir lentu í Hafnarfjarðarhöfn 17. janúar sl. hefur verið fluttur á almenna deild. Hinn pilturinn liggur enn á gjörgæslu. RÚV greindi frá.
Piltarnir voru, ásamt þeim þriðja, í bíl sem fór út af Óseyrarbryggju. Einn piltur komst út af sjálfsdáðum og var lagður inn á almenna deild en þeir sem hafa dvalið á gjörgæslu höfðu verið töluverðan tíma í sjónum þegar kafarasveit Slökkviliðs höfuðborgarsvæðisins bjargaði þeim út úr bílnum.
Lögregla rannsakar enn tildrög slyssins og hefur notast við öryggismyndavélar sem eru á svæðinu.
